Serbiya Prezidenti Aleksandar Vuçiç sentyabrın 27-də vəzifəsindən istefa verdiyini açıqlayıb. O, bu qərarını Belqraddakı prezident sarayında xalqa etdiyi müraciətdə bildirib. Vuçiçin istefası ölkədə növbədənkənar prezident seçkilərinin keçirilməsinə səbəb olacaq. Konstitusiyaya əsasən, yeni prezident seçilənədək prezident səlahiyyətlərini Milli Assambleyanın sədri Ana Brnabiç müvəqqəti olaraq icra edəcək. Prezident seçkisi isə Vuçiçin səlahiyyətlərinə vaxtından əvvəl xitam verildikdən sonra ən geci üç ay ərzində keçirilməlidir.

Vuçiçin istefası ölkədə tələbələrin rəhbərlik etdiyi hökumət əleyhinə etirazların davam etdiyi bir vaxtda baş verir. Etirazlar 2024-cü ilin noyabrında Novi Sad şəhərində dəmir yolu vağzalının dam örtüyünün uçması nəticəsində 16 nəfərin ölməsindən sonra başlayıb.

Serbiya Konstitusiyasına əsasən, prezidentin səlahiyyət müddəti beş ildir və eyni şəxs yalnız iki müddətə seçilə bilər. Vuçiç 2017-ci ildən prezident vəzifəsini icra edirdi və 2022-ci ildə ikinci dəfə seçilmişdi.

İstefa qərarından əvvəl Vuçiç oktyabrın 25-də keçiriləcək növbədənkənar parlament seçkilərində Serbiya Tərəqqi Partiyasının (SNS) siyahısının lideri kimi iştirak edəcəyini və baş nazirliyə namizədliyini irəli sürəcəyini açıqlamışdı.

Serbiya Konstitusiyasına əsasən, prezidentin səlahiyyət müddəti beş ildir və eyni şəxs yalnız iki müddətə seçilə bilər. Vuçiç 2017-ci ildən prezident vəzifəsini icra edirdi və 2022-ci ildə ikinci dəfə seçilmişdi.