Türk iş adamı Mehmet Çankaya’nın pilotluğunu etdiyi Cessna T206 tipli təyyarə, 13 sentyabrda Kolumbiyanın Risaralda bölgəsindəki dağlıq ərazidə düşüb. Təyyarə ilə əlaqə yerli vaxtla saat 09:23-də kəsildikdən sonra itkin düşüb.

Təyyarənin Chocó bölgəsindəki Condoto şəhərindəki Mandinga Hava Limanı’ndan Bogota’daki Guaymaral Hava Limanı’na uçduğu bildirilib. Uçuşda Çankaya ilə yanaşı, 4 Kolumbiya vətəndaşı da olub.

Axtarış-xilasetmə komandaları, sərt dağlıq ərazi və əlverişsiz hava şəraiti səbəbindən təyyarənin yerini müəyyən etməkdə çətinlik çəkiblər. Üç gün davam edən çətin axtarışlardan sonra, təyyarənin dağın yamacına çırpıldığı və hissələrinin geniş bir sahəyə yayıldığı müəyyən edilib.

Kolumbiya Sivil Aviasiya İdarəsi və xilasetmə komandaları, təyyarənin Risaralda bölgəsinin Pueblo Rico bələdiyyəsi sərhədlərində, təxminən 9 min fut yüksəklikdəki dağlıq ərazidə düşdüyünü təsbit ediblər.

Təyyarənin itkin düşməsindən sonra bölgədə təcili vəziyyət radio vericisinin (ELT) işə düşdüyü bildirilmişdi.

Hazırda təyyarədəki 5 şəxsin vəziyyəti ilə bağlı rəsmi məlumatlar hələ açıqlanmayıb. Türkiyənin Bogota Böyükelçiliyi, hadisənin baş verdiyi ilk andan etibarən axtarış-xilasetmə işlərini yaxından izlədiklərini və Çankaya ilə təyyarədəki digər sərnişinlərə çatmaq məqsədilə yerli hakimiyyət orqanları ilə əlaqə saxladıqlarını bildirib.