ABŞ Prezidenti Donald Tramp və Çin Xalq Respublikasının Sədri Si Cinpin sentyabrın 23-də Vaşinqton yaxınlığındakı Endryus hərbi bazasında görüşüblər. Bu, ABŞ prezidentinin xarici lideri şəxsən hava limanında qarşılaması ilə nadir hallardan biridir.

Görüş zamanı tərəflər ticarət, nadir torpaq metallarının tədarükü, süni intellekt və qlobal iqtisadiyyat məsələlərini müzakirə ediblər.

Görüşdən sonra Tramp və Si Cinpin Ağ Evdə hərbi mərasimdə iştirak ediblər. Mərasimdə ABŞ Silahlı Qüvvələrinin müxtəlif qoşun növlərini təmsil edən 479 hərbçi iştirak edib. Tədbirin sonunda Ağ Evin üzərindən ABŞ Hərbi Hava Qüvvələrinə məxsus “B-2” bombardmançı təyyarəsi və dörd “F-22” qırıcısı uçuş keçirib. baku.ws

Görüşün sonunda Tramp Çin liderinə Ağ Evin cənub çəmənliyindəki yeni helikopter meydançasını göstərib. Onlar yeni VH-92A Patriot prezident helikopterinə daxil olublar. Daha sonra helikopterdən çıxaraq tərcüməçilərin iştirakı ilə bir neçə dəqiqə onun yanında söhbət ediblər.

Sentyabrın 24-də Si Cinpin Ağ Evdə dövlət qəbulunda iştirak edib. Qəbulda böyük texnologiya şirkətlərinin və bankların nümayəndələri iştirak ediblər. Tramp qeyd edib ki, zalın tam dolacağı gözlənilir.

Bu səfər, Si Cinpinin 2015-ci ildən bəri ABŞ-a ilk dövlət səfəri idi. Səfər sentyabrın 25-də başa çatacaq. baku.tv